पाेखरा । भँगेरा अद्भूत यौन शक्ति भएको कामुक चरा मानिन्छ । जसले दैनिक तीन सय पटकभन्दा बढी यौन सम्पर्क गर्ने गर्दछ । यो भन्दा रोचक कुरा त के भने भँगेरा खाँदा यौन उत्तेजना बढ्ने सोच राख्ने मानिसहरु प्राचिन काल देखि नै थिएछ ।
जडिबुटिका ज्ञाता निकोलस कुलपिपरले भङ्गेराको गिदीले यौन उत्तेजना बढाउने उल्लेख गरेका छन् भने महान साहित्यकार सेक्सपियरले भँगेरालाई यौन कार्यसँग जोडेका छन् ।
सन् २००० मा जोडी एम. जओरले अक्सफोर्ड जर्नलमा प्रकाशित गरेको लेखमा पोथीले भालेमाथि प्रजजनका बखत जमाउने प्रभुत्वबारे उल्लेख गरेको छ ।
भँगेरा यौन स्वच्छन्दता हुन्छ । एक अर्काको जोडीसँग यौन सम्पर्क गर्न रुचाउने भँगेराले दैनिक तीन सय पटक भन्दा बढी यौन सम्पर्क गर्ने गर्दछ ।
प्रजनन समयमा सबैभन्दा बढी यौन सम्पर्क गर्ने भँगेरलाई तापक्रम र मौसमले यौन सम्पर्कको संख्यामा फरक पार्ने गर्दछ ।
पोथी भँगेराले एक वर्षमा दुई देखि तीनपटक सम्म अण्डा पारेर बच्चा कोरल्ने गर्छे ।
मान्छेको वस्तीसँगै रहने चञ्चले सानो चरा भँगेरा आज भोली भने लोप हुँदै गएका छन् । जलवायु परिवर्तन, बढ्दो ध्वनी , धुवाँ र माटो प्रदुषण्ले भँगेराका प्रजाति लोप भएको जानकारहरु बताउँछन् ।
एक अध्ययनअनुसार बजार क्षेत्रमा लगाइने स्ट्रिट लाइटका कारण भँगेराले रात दिन पहिचान गर्न नसक्ने र मोबाइल टावरबाट निष्कने रेडियसनका कारण बाटो पहिचान गर्न नसक्ने भएकाले पनि यसको संख्यामा कमी आएको छ ।
हाम्रो घर आँगन र चउरहरुमा देखिने सानो र छरितो चरा भँगेराको संरक्षणका लागि सन् २०१० देखि मार्च २० गते विश्व भँगेरा दिवस मनाउन थालिएको छ । नेपालमा पनि केही वर्ष अगाडिदेखि मनाउन थालिएको छ ।
लोपोन्मुख भंगरा चरा आज मेरै घरको छतमा आहारा खोज्दै आएपछि ..फोटो फिचर
