लमजुङ । मध्यनेपाल नगरपालिका वडा नं. ६, भोर्लेटार लमजुङस्थित बाघमारे-बाह्रबिसे सामुदायिक वन उपभोक्ता समूह (साविक भोर्लेटार-८) को पच्चीसौँ वार्षिक साधारण सभा २०७७/११/२२ गते शनिबारका दिन बौद्ध सेवा समाजको भवन भोर्लेटारमा सम्पन्न भएको छ ।
समूहका अध्यक्ष श्रीप्रसाद रेग्मीको अध्यक्षतामा भएको उक्त कार्यक्रममा अध्यक्षले वार्षिक रूपमा भए-गरेका कार्यक्रमको विवरण र समीक्षासहित स्वागत मन्तव्य राख्नुभएको थियो भने समूहका सचिव शिवलाल श्रेष्ठले आर्थिक प्रतिवेदन तथा प्रस्तावित भावी योजना पेश गर्नुभएको थियो ।
समूहका वयोवृद्ध सदस्य नन्दप्रसाद रेग्मीले धन्यवादसहित शुभकामना मन्तव्य राख्नुभएको उक्त कार्यक्रममा वन व्यवस्थापनका सम्बन्धमा विभिन्न महत्त्वपूर्ण निर्णयहरू गरिएको कार्यक्रम सञ्चालक एवम् समूहका सहसचिव रमेशचन्द्र घिमिरेले सारङ्गी न्युजलाई जानकारी गराउनुभएको छ ।
