लमजुङ l सुन्दर बजार नगरपालिकाले आर्थिक बर्ष २०७७/०७८ का लागि नगरपालिकाको ज्याला तथा निर्माण सामाग्री दर रेट कायम गरेको छ।
नगरपालिकाले दररेट कायम गरे पश्चात् सार्बजनिक निर्माण कामका लागि सहज हुने बताइएकाे छ । दक्ष कामदारका लागि १ हजार ९० रूपैया तथा अर्ध दक्ष कामदारका लागि ८ सय ५० रूपैया दररेट निर्धारण गरेको प्रमुख प्रशासकिय अधिकृत ठाकुर जी तिवारीले जानकारी दिए। तिवारीका अनुसार ज्यामिका लागि ७ सय ९०, चौकिदारका लागि ६ सय ४० रूपैया र हेभी इक्युपमेण्ट अपरेटरका लागि १ हजार २ सय १० रूपैया कायम गरिएकाे छ । हेल्परका लागि ६ सय ५,धरियाका लागि ७ सय २५ र कृषि मजदुर ( फार्म/ नर्सरी ) का लागि ६सय ६५ प्रती दिन दररेट कायम गरिएको छ।
सुन्दर बजार नगरपालिकाका प्रमुख जनकराज मिश्रको अध्यक्षता बसेकाे बैठकमा दररेट समितिले विभिन्न शिर्षकमा ५३ पेज लामो दर रेट सार्वजनिक गरेकाे हाे ।
दररेट समितिको बैठकमा सुन्दर बजार नगारपालिकाका उपमेयर ज्ञानु शाह सुन्दर बजार नगरपालिका वडा नम्बर ७ का वडा अध्यक्ष जयराम रेग्मी, वडा नम्बर ४ का कृष्ण राज खनिया,वडा नम्बर ९ का वडा अध्यक्ष मोति गुरुङ , कार्यपालिका सदस्यहरु सुरेश कुमार दुरा र शान्ता भुजेल , सुन्दर बजार चेम्बर अफ कमर्सका अध्यक्ष बिष्णु कुमार श्रेष्ठ , लमजुङ उधोग बाणिज्य संघ सुन्दर बजार इकाईका अध्यक्ष सोम बहादुर न्यौपाने ,भोटेवडार इकाईका अध्यक्ष सुरज श्रेष्ठ , इन्जिनियर सन्दीप केसि, बिदुर सुवेदी , ना .सु. गिता मिजार लगायतको उपस्थिति रहेको थियोे ।
