हुग्दिशिर । मंगलापुर युवा क्लबको चौथो वार्षिक आज पनि उत्सव जारी रहेको छ । बरेङ गाउँपालिका वडा नम्बर २ हुग्दिशिर गुरुङधारा स्थित मंगलापुर युवा क्लबले विभिन्न खेलकुद तथा सास्कृतिक कार्यक्रम द्वारा आफ्नो वार्षिकोत्सव मनाइरहेको छ ।
शनिबार मुल समारोहको दिन पुरुष भलिबल, महिला भलिबलका खेल,नृत्य प्रतियोगिता र चन्ददातालाई सम्मान गरेको क्लबका सचिव दुर्ग बहादुर थापाले बताए ।
मुल समारोहका विशिष्ट अतिथि बरेङ गाउँपालिकाका खेलकुद संयोजक तथा कार्यपालिका सदस्य नरबहादुर बिकले क्लबका वार्षिकउत्सवले गर्दा एकजुट भै एकताबद्ध गर्न सहयोग हुने साथै सास्कृतिक कार्यक्रमले सस्कृती जोगाउने हुनाले पनि क्लबको महत्त्वपूर्ण भुमिका रहने बताए ।
क्लबहरुका खेलकुद र सास्कृतिक कार्यक्रमको लागि आफ्नो ठाउँबाट पहल गर्ने समेत उल्लेख गरे । क्लबले सञ्चालन गरेको नृत्य प्रतियोगितामा प्रगति युवा क्लबका ए समुह प्रथम, आयोजक द्वितीय, कोपिला थापा तृतीय र ममता थापा सान्त्वना भएका छन् । त्यस्तै क्लबले आइतबार पुरुष भलिबलको फाइनल खेल खेलाउने बताएको छ ।
